Марапаттау кітабы бар. Жалпы жағдайы өте жақсы.
Британдық интернет-дүкеннің сайтында Қазақстанда Ұлыбританияның бұрынғы премьер-министрі Маргарет Тэтчерге табысталған «Достық» ордені сатылымға шығарылды, — деп хабарлайды Skifnews.kz ақпарат порталы Massaget.kz сайтына сілтеме жасап.
Peter Harrington-дағы хабарландыруға сәйкес, «Достық» ордені 12 500 фунт стерлингке (шамамен 7,9 миллион теңге) сатылады. Бұл сыйлық 2001 жылы Тэтчерге Қазақстан мен Ұлыбритания арасындағы қарым-қатынасты дамытуға қосқан үлесі үшін берілді.
peterharrington.co.uk
Сипаттамада орден өте жақсы күйде екендігі көрсетілген.
«Иық лентасында әшекейлері бар жұлдыз орден белгісімен бірге ақ атласты астары бар көк былғары қораптағы корольдік көк барқыт жастықта орналасқан. Оның қақпағында жезден жасалған бекіткіштері бар және «Достық» сөзі басылған. Марапаттау кітабы бар. Жалпы жағдайы өте жақсы», — делінген сайтта.
«Достық» ордені 1995 жылы жоғары деңгейдегі халықаралық ынтымақтастықты ынталандыру мақсатында құрылды. Қазақстанда осы орденмен қоғамдағы өзара келісімді сақтау жөніндегі жемісті жұмысы, халықтар арасындағы бейбітшілікті, достық пен ынтымақтастықты нығайтуға сіңірген еңбегі үшін марапатталады.
Маргарет Тэтчер осы орденмен марапатталған жетінші адам болды. Бұл орденді сондай-ақ АҚШ президентіне бұрынғы кандидат Хиллари Клинтон, БҰҰ-ның бұрынғы Бас хатшысы Пан Ги Мун және Сингапурдың бірінші премьер-министрі Ли Куан Ю алды.
Маргарет Тэтчер — британдық саясаткер, 1979 жылдан 1990 жылға дейін Ұлыбританияның премьер-министрі және Консервативті партияның жетекшісі. Ол елдегі премьер-министр ретіндегі алғашқы әйел болды және экономикаға Үкіметтің араласуын азайтуға, мемлекеттік кәсіпорындарды жекешелендіруге және нарықтық тетіктерді күшейтуге бағытталған қатаң экономикалық саясатымен танымал. Тэтчер саясаттағы және халықаралық істердегі қайсар ұстанымы үшін «Темір ханым» деген лақап атқа ие болды. Оның билігі экономикалық жетістіктермен де, әлеуметтік қақтығыстармен де қатар жүрді. Саясаткер 2013 жылдың сәуірінде қайтыс болды.