«Фатаны пәк қыз тағады»: 52 жастағы анасының тойын жасаған бойжеткен жұртқа жақпай қалды (ВИДЕО)

Желіде 52 жастағы анасының тойында ән айтқан бойжеткеннің видеосы тарады, деп хабарлайды Skifnews.kz ақпарат порталы.

Бойжеткеннің айтуынша, анасы да бақытқа лайық, жалғыздық ешкімге жараспайды.

Әкемізбен 30 жастан енді асқанда ажырасып кеткен. Көрмегені жоқ. Екі қызымды өсіремін деп ешкімге қарамады. Біздің отбасымыз бар. Анамыз жалғыз. Жалғыздық Құдайға ғана жарасқан!, — деп жазды қызы.

Ал желі қолданушыларының жартысы бұл көрініс туралы тамсана жазса, енді бірі үлкен кісінің ақ көйлек кигенін сынап тастады.

«Қызы бойжеткен. Ал шешесі ақ көйлек киіп, фата таққан. Бұл қалай?», «Өнерің үстем болсын», «Туыстардың басын қосып, бір мал шалып бата ала салса болмай ма?», «52 жаста басқаша киінген дұрыс», «Ақ көйлек пен фатаны тұрмыста болмаған пәк қыз киеді», «Шетелдіктерге ұқсап барамыз», деп жазды олар.