Астанада көлік жөндеу орталығында бір көлік жанып кетті

Өрттің шығу себебі анықталып жатыр.

Фото: Astana.tv

Астанада көлік жөндеу орнында өрт шықты, деп хабарлайды Skifnews.kz ақпарат порталы.

Техникалық қызмет көрсету орталығы төрт қабатты үйдің бірінші қабатында орналасқан. Ол жерде көліктерді бояу цехы орналасқан. Жоғарғы қабаттардан 30-ға жуық адам өз күшімен сыртқа шыққаны айтылды. Өрт орнында тұрғындарға арналған жылу орталығы орнатылған.

Өрт салдарынан 1 жеңіл көлік жанып, 9 автокөлік жалын әсерінен зардап шеккен. Өрттің шығу себебі анықталып жатыр.

20 шаршы метр аумақтағы өрт сөндірілді.