Әлемге танымал Неймар семейлік футболшыларға сәттілік тіледі (ВИДЕО)

Неймардың видеосы семейік клубтың Instragram желісіндегі ресми парақшасында жарияланды.

Фото: Pixabay

Бразилия футбол құрамасы мен "Әл-Хиляль" клубының ойыншысы Неймар "Семей" футзал командасына видео жолдады, деп хабарлайды Skifnews.kz ақпарат порталы.

"Семей" командасына жаңа маусымда сәттілік тілеймін. Сау болыңдар!", - деді Неймар.

32 жастағы Неймар 2023 жылдың тамызынан бері Сауд Арабиясының "Әл-Хиляль" клубында ойнайды. Оған дейін "Барселона", "ПСЖ" командаларында өнер көрсеткен. Ол Бразилия құрамасының тарихындағы ең үздік бомбардир (79 гол). Transfermarkt порталының мәліметінше, Неймардың трансферлік нарықтағы құны – 30 млн еуро.