АЭС құрылысын жүргізетін компаниялармен келіссөздер басталды

Бұл туралы энергетика министрлігі мәлімдеді.

Фото: APN

Қазақстандағы АЭС құрылысын жүргізетін компаниялармен ресми келіссөздер басталды, деп хабарлайды Skifnews.kz ақпарат порталы.

Министрліктің мәліметінше, келіссөздер бәсекелестік диалог рәсімі бойынша жүргізіледі, бұл серіктестіктің барлық аспектілерін – техникалық, экономикалық және құқықтық мәселелерге дейін талқылауға мүмкіндік береді.

"Бұл формат халықаралық стандарттарға сәйкес және бізге Қазақстанның ұлттық мүдделеріне сәйкес келетін оңтайлы шешімді таңдауға мүмкіндік береді. АЭС құрылысы үшін жеткізуші немесе консорциумды таңдау туралы түпкілікті шешім 2025 жылы қабылданады", – делінген хабарламада.