Мысырда қазақ туристері бар автобус аударылып қалды – БАҚ

Мысырда Рас-Сидр қаласында автобус аударылып, салдарынан 41 адам зардап шекті. Бұл туралы Skifnews.kz ақпарат порталы Cairo24.com сайтына сілтеме жасап хабарлайды. 

Зардап шеккен 41 адамның ішінде үш қазақстандық турист бар екен.

Мысыр ақпарат құралдары Рас-Сидр қаласының маңында туристік автобус апатқа ұшырағанын хабарлады.  

31 адам Ресей мен Украинадан келген туристер. Сондай-ақ, басылымның мәліметінше, зардап шеккендер:

• Қазақстаннан үш турист;
• Әзірбайжаннан үш турист;
• Төрт жергілікті тұрғын.

Әзірге әрбір адамның денсаулық жағдайы туралы нақты ақпарат жоқ. Жаралылар ауруханаға жатқызылды.