Алматы полиция департаменті бұл оқиғаның бір күн бұрын қаланың Медеу ауданында болғанын хабарлады.
Алматыда бір топ ер адам намаз оқу үшін жолды жауып тастаған, деп хабарлайды Skifnews.kz ақпарат порталы.
Оқиға салдарынан қала көшелерінде кептеліс болған, тіпті, жедел жәрдем көлігі өте алмаған.
Желіде бір топ мұсылманның жолдың қақ ортасында намаз оқып жатқаны түсірілген видео тарады. Кадрлардан бірнеше ер адамның соңында көліктер сигнал беріп, жедел жәрдем көлігі өте алмай тұрғанын байқауға болады.
Алматы полиция департаменті бұл оқиғаның бір күн бұрын қаланың Медеу ауданында болғанын хабарлады.
"Жол қауіпсіздігін үйлестіру үшін азаматтардың дабылы бойынша оқиға орнына жеткен полиция қызметкерлері түсіндірме жұмыстарын жүргізіп, ер адамдарды жол қозғалысы ережелерін қатаң сақтауға шақырды", – делінген хабарламада.
Полиция "Құқықтық тәртіп" қағидатын еске түсіріп, кез келген заңсыз әрекеттер жауапкершілікке әкеп соғатынын ескертті.