Абай облысында 12 жастағы өгей қызын зорлаған ер адамға сот үкімі шықты

Абай облысында жасөспірімге қатысты азғындық әрекеттер жасаған ер адам сотталды, деп хабарлайды Skifnews.kz ақпарат порталы.

Облыстық соттың мәліметінше, сотталушы үйінде шарап ішкен.

«Әйелінің жоқтығын пайдаланып, ол 12 жасар өгей қызына бір стақан шарап ішуге мәжбүрлеген. Біраз уақыттан кейін ол диванда жатып, жас жәбірленушіні қасына жатқызып, фильм көруге шақырған. Осы уақытта ол кәмелетке толмаған адамға қатысты сексуалдық сипаттағы басқа да әрекеттерді жасауға бағытталған қылмыстық ниетті дамытқан.Зорлық-зомбылық қолданып, белсенді қарсылық көрсетіп, айғайлағанына қарамастан, оның киімін шешіп алып, жәбірленушіге сексуалдық әрекеттер жасаған», — деді сот.

Сотта ер адам өз кінәсін толық мойындап, өкінді. Сот оны кінәлі деп танып, өмір бойына бас бостандығынан айыру жазасын төтенше тәртіптегі қылмыстық-атқару жүйесінде өтеу туралы үкім шығарды.