Қазақстан футбол федерациясының жаңа президенті сайланды

ҚФФ-ны бұған дейін Әділет Назарбайұлы Барменқұлов басқарған. Ол бұл қызметте 2022 жылдың ақпанынан 2024 жылдың қарашасына дейін отырды.

Фото: gov.kz

Марат Омаров Қазақстан футбол федерациясының президенті болып сайланды, деп Sкifnews.kz ақпарат порталы ҚФФ-ның баспасөз қызметіне сілтеме жасап хабарлайды.

Бүгін, 20 желтоқсанда ҚФФ-ның кезектен тыс XXVII сайлау конференциясы өтті, бұл жиында федерацияның жаңа басшысы анықталды.

Омаров Марат Талғатұлы – "Астана қаласы футбол федерациясы қауымдастығы" ЗТБ атынан. Ал бұған дейін ҚФФ президенттігіне өтінім берген Мағау Наргис Ерланқызы, Жамантаев Ерлан Айтпайұлы және Лория Давид Григорьевич сайлауға қатысудан өз еркімен бас тартты.

Кезектен тыс XXVII конференциясының нәтижесі бойынша "Астана қаласы футбол федерациясы қауымдастығы" ЗТБ атынан сайауға түскен Омаров Марат Талғатұлы 34 дауыспен алға шығып, Қазақстан футбол федерациясының президенті атанды.

Айта кетейік, ҚФФ-ны бұған дейін Әділет Назарбайұлы Барменқұлов басқарған. Ол бұл қызметте 2022 жылдың ақпанынан 2024 жылдың қарашасына дейін отырды.