Ине шаншар жер жоқ қой.
Жаңа жыл қарсаңында Алматының «Алтын орда» базары маңындағы адам өтетін көпірдің кептелісі видеоға түсіп қалды. Бейнежазбада адамның көптігінен, аяқ басып жүрер жердің жоқтығын байқауға болады, деп хабарлайды Skifnews.kz ақпарат порталы.
Желі қолданушылары 31-желтоқсаннан кейін де өмір бар екенін айтып, ашуланды. Видеоның астына пікір қалдырған оқырмандар жаңа жылда жаппай базар аралайтын адамдар туралы түрлі пікір жазды.
«Кеше сүт алуға дүкенге барсам, адамдар арбаларына азық-түлік толтырып алыпты. Неге ысырап жасайды? Жегің келсе, жаңа жылды күтпей-ақ жей бер. Көпірді құлатып кетпеңдер, ол бізге керек. Таңертең ерте барып келгеніміз жақсы болған. Мына жерде ине шаншар жер жоқ қой... Ақша жоқ деп алып, артынан жаңа жылды тойлайтын халықпыз», - деп жазды желі қолданушылары.