Желіде Астананың астындағы жерасты туннелі туралы ақпарат тарады

Желіде Астананың астында тұтас бір жерасты қаласы бар деген видео талқылануда, деп хабарлайды Skifnews.kz ақпарат порталы.

Видео бойынша шенеуніктер үкіметтік ғимараттар арасындағы жылы жерасты туннельдері арқылы қозғалады. Бұл құпия желі президент сарайын, парламентті, министрліктер үйін және басқа да әкімшілік ғимараттарды байланыстырады деп мәлімдеген.

Бұған президенттің мүлкін басқару департаментінің баспасөз қызметі түсініктеме берді.

«Бұл видео шындыққа жанаспайды. Мемлекеттік ғимараттарды жалғайтын жылы туннельдері бар жерасты қаласы жоқ. Өкініштісі, халықты адастыратын тағы бір фейк таралып жатыр», – деп хабарлады ведомстводан.