Елдегі мешіттерге Алаш қайраткерлерінің есімі беріледі

Сондай-ақ қазақ даласынан шыққан әулие, ғұлама, батырлар да ескерусіз қалмайды.

Фото: Wikimedia/Evgeny Emelyanov

Бас мүфти Наурызбай қажы Тағанұлы республикамыздағы мешіттерге Алаш қайраткерлерінің есімі берілетінін айтты, деп хабарлайды Skifnews.kz ақпарат порталы.

Бұл туралы ҚМДБ Төрағасы 2025 жылға арналған Бағдарлық баяндамасында мәлімдеді.

«Қазақстан мұсылмандары діни басқармасының құрылғанына 35 жыл толуына орай айтулы мерейтойдың мәнін арттыру мақсатында қазақ даласынан шыққан әулие, ғұлама, батыр, Алаш қайраткерлері мен ахун-ишандардың есімін мешіттерге береміз», – деді Бас мүфти.