«Комиссия құрылды»: Алматы облысының Білім басқармасы оқушылардың төбелесі туралы айтты

Жасөспірім ауруханада ем қабылдап жатыр.

Фото: Pixabay

Бұған дейін хабарлағанымыздай, Қонаев қаласында бір топ оқушы қатарлас бір ұлды қатты ұрып-соғып, салдарынан оқушы жансақтау бөліміне түскен еді. Алматы облысының білім басқармасы оқиғаға қатысты комментарий берген, деп хабарлайды Skifnews.kz ақпарат порталы Azattyq Rýhy сайтына сілтеп.

«Аталған мәселе бойынша Білім бөлімі тарапынан арнайы комиссия құрылды. Істің мән-жайы анықталуда. Полиция басқармасында іс тіркеліп, тергеу амалдары жүріп жатыр. Бүгінде оқушыға психологиялық көмек берілді. Жасөспірім ауруханада ем қабылдап жатыр», - деп хабарлайды білім басқармасы.

Айта кетейік, бұл туралы журналист Гүлмира Әбіқай жазды.