Наурызда жер бетінде күшті магниттік дауыл болуы мүмкін

Болжамға бойынша, магниттік дауылдар бірнеше толқыннан тұрады.

Фото: gremlincom.ru

Наурыз айында Жер бетінде әртүрлі қарқындылықтағы күшті магниттік дауылдардың болуы ықтимал, деп хабарлайды Skifnews.kz ақпарат порталы.

АҚШ-тың Мұхиттық және атмосфералық зерттеу ұлттық басқармасының ғарыштық ауа райын болжау орталығының мамандары адамдардың денсаулығына және техниканың жұмысына әсер етуі мүмкін геомагниттік құбылыстар туралы ескертуде.

Болжам бойынша, магниттік дауыл бірнеше кезеңнен тұрады және оның шарықтау шегі айдың ортасында болуы мүмкін:

7-8 және 16-18 наурыз — әлсіз магниттік белсенділік, бұл ерекше сезімтал адамдарда денсаулыққа кішкене қиындықтар туғызуы мүмкін.
1, 9, 15 және 26-28 наурыз — бас ауруы, шаршаңдық және жалпы әлсіздік сезімі тудыруы мүмкін шектеулі геомагниттік белсенділік.
12-14 наурыз — метеосезімтал адамдарға ғана емес, спутник және радиобайланыс жүйелеріне де қауіп төндіретін күшті магниттік дауыл.

Сарапшылар осы күндерде ерекше сақ болуға кеңес береді. Жақсылап тынығып, күйзеліске түспеген дұрыс.