Қарағанды облысындағы трассада 10 көлік соқтығысты (ВИДЕО)

Жол-көлік оқиғасының алдын ала себебі – жол қозғалысы ережелерін сақтамау.

Коллаж: sn.kz

Қарағанды облысындағы трассада ауа райының қолайсыздығынан 10 көлік соқтығысты. Оқиға «Астана – Қарағанды (айналма жол) – Алматы» автожолының 1449 шақырымындағы «Теміртау – Қарағанды» автожол учаскесінде 6 наурыз сағат 16:30-да болған, деп хабарлайды Skifnews.kz ақпарат порталы.

Алдын ала деректер бойынша, зардап шеккендер жоқ. Оқиға орнында жедел қызметтер жұмыс істеп, мән-жайлар нақтылануда. Сағат 17:00-де «Теміртау – Қарағанды» төлем ақы алу учаскесінде барлық көлік түрлерінің қозғалысына уақытша шектеу енгізілді. Жол белгілері қолданыстағы заңнамаға сәйкес орнатылды.

«Жол-көлік оқиғасының алдын ала себебі – жол қозғалысы ережелерін сақтамау. Жүргізушілерге сақ болуға, ауа райы жағдайларын ескеруге және жол қызметтерінің нұсқауларына бағынуға кеңес беріледі», — делінген «ҚазАвтоЖол» мәліметінде.