Талдықорғанда газ жарылысынан зардап шеккен жасөспірім қайтыс болды

Журналист Сандуғаш Дүйсенова желідегі парақшасында Талдыкорғандағы жеке үйде газ жарылысынан зардап шеккен жасөспірім қайтыс болғанын мәлімдеді, деп хабарлайды Skifnews.kz ақпарат порталы.

"Асан қайтыс болды... Ол қорқынышты өрттен кейін екі айдан астам өмірі үшін күресті. Сол өртте оның ата-анасы қаза тапты. Барлық күш-жігерге қарамастан ол ауыр күйіктердің салдарын жеңе алмады", – деді Сандуғаш Дүйсенова.

Сандуғаш Дүйсенованың айтуынша, жігіттің емі қиындап кеткен.

"Талдыкорғанда күйік орталығы жоқ, сондықтан Асанды көпсалалы ауруханаға жатқызды. Туыстары оның жағдайы нашарлап бара жатқанын көргенде олар оны Алматыдағы мамандандырылған күйік орталығына ауыстыруға қол жеткізді. Өкінішке қарай, жігітті құтқару мүмкін болмады", – деп қосты ол.

Қорқынышты жарылыстан бері екі ай өтті. Ата-анасы мен олардың жасөспірім ұлы қайтыс болды, қалған балалар ауыр күйіктер алды.

"Тергеу тығырыққа тірелді: шенеуніктер үнсіз, газ компаниялары кінәні мойындамайды. Ал өрт сөндірушілер әлі күнге дейін газдың қайдан шыққанын түсіндіре алмайды", – деп қосты журналист.

Сонымен қатар марқұм Асанның ағасы Ернұр Жүкенов мешітке газ құбырын жүргізу кезінде өрескел бұзушылықтар болғанын мәлімдейді.

"Біз мұны өз көзімізбен көрдік. Сол кезде біздің көшеде асфальт та, электр бағаналары да, су құбыры да болған жоқ. Мұның бәрін кейінірек сала бастады. Кім біледі, мүмкін, жұмыстар жүргізу кезінде біреу газ құбырларын зақымдаған шығар? Өйткені оларды жер астына төсеген", – деді Ернұр Жүкенов.