Алматыдағы дәмханалардың бірінде бас аспаз есірткі сатқан

Ол гашиш есірткі затын жұмыс орнында сатқан, дәмхананы өзінің қылмыстық әрекеттерін жасыру үшін пайдаланған.

Алматыда қоғамдық тамақтану орындарының бас аспазы есірткі сатқаны үшін ұсталды, деп хабарлайды Skifnews.kz ақпарат порталы.

Полицияның мәліметінше, ер адам жұмысын заңсыз заттарды сату үшін пайдаланған.

Істің барлық мән-жайын анықтауға бағытталған жедел іс-шаралардан кейін аспаз ұсталды. Ұстау және тінту нәтижесінде есірткі және есірткінің заңсыз айналымына қатысты басқа да заттар тәркіленді. Ұсталған азамат қамауға алынды.

"Қазір қылмыстық іс-әрекеттің барлық дерегін және оған басқа адамдардың қатысы бар-жоғын анықтау мақсатында тергеу амалдары жүргізіліп жатыр", – деді Алматы қалалық ПД есірткі қылмысына қарсы күрес басқармасының бастығы Мұрат Жұмабаев.