«Maybach-ты халық облыс әкімі келгенде ғана көреді»: Журналист Нұрлыбек Нәлібаевтың кортежін сынады (ВИДЕО)

Журналист Асхат Ниязов Қызылорда облысының әкімі Нұрлыбек Нәлібаевтың Наурыз мерекесіне қымбат көліктермен келгенін сынады, деп жазады Skifnews.kz ақпарат порталы. 

Автордың жариялаған видеосына көз салсақ, облыс әкімінің кортежінде Maybach пен Chevrolet Tahoe маркалы көліктері бар.

"Бүгін Қызылорда облысының әкімі Нұрлыбек Нәлібаев Наурыз мерекесіне орай Шиеліге ат басын тіреді. Әрине, қасында қалың нөкері мен сән-салтанаты жарасқан кортежі де болды.

Мұндай көліктер – Maybach пен Chevrolet Tahoe – жергілікті тұрғындардың көз алдында тек облыс әкімі келген кезде ғана көрінеді. Әкімнің өзіне арналған көліктің есігін де өзі ашпайтыны белгілі", - деп жазды ол. 

Сонымен қатар, журналист әкімдердің тек отандық өндірістегі көліктерді сатып алуы міндеттелгенін еске салды. 

Менің ойымдағы сұрақ басқа: мемлекеттік қызметкерлерге тек отандық өндірістегі көліктерді сатып алу міндеттелген ереже қазір күшін жойды ма?", - деп жазды ол.