Оның айтуынша, құқық бұзушы барлық жасөспірім полиция тарапынан анықталды.
Теміртауда зейнеткерді ұрған балалар бұған дейін де қылмыс жасаған Теміртауда жалғызбасты зейнеткерге шабуыл жасаған жасөспірімдердің кім екені белгілі болды. Бұл туралы Қарағанды облысы бала құқықтары жөніндегі уәкілі Ирина Киселёва мәлімдеді, деп хабарлайды Skifnews.kz ақпарат порталы.
Оның айтуынша, құқық бұзушы барлық жасөспірім полиция тарапынан анықталды.
"Қарағанды облысының Балалар құқықтарын қорғау басқармасымен және облыстық әкімдік жанындағы Кәмелетке толмағандар істері жөніндегі комиссия мүшелерімен бірге Теміртауға бара жатырмыз. Айта кету керек, бұл жасөспірімдер бұған дейін ата-аналары балаларды тәрбиелеу міндетін орындамағаны үшін жауапкершілікке тартылған отбасыларда өскен", – деді уәкіл.
Киселёваның дерегінше, олардың көпшілігі ювеналды полицияның есебінде тұрған, бұған дейін құқық бұзушылықтар мен қылмыстар жасаған және мектеп сабақтарын жиі босатқан. Қазіргі уақытта 5 жасөспірім уақытша ұстау изоляторында, ал 3-уі – елден кетпеу туралы қолхатпен босатылған.