«Бірнеше рет ыстық үтік басқан»: Қостанайда тәрбиеші мүмкіндігі шектеулі қызды азаптаған

Қостанай қаласындағы мүмкіндігі шектеулі балаларға арналған арнайы орталықтардың бірінде ашуға берілген тәрбиеші 16 жастағы қыздың  денесін бірнеше рет ыстық үтікпен күйдірген, деп хабарлайды Skifnews.kz ақпарат порталы.

Полиция мәліметінше, сотқа дейінгі тергеу амалдары жүргізіліп жатыр.

Тәрбиеші әйелге қатысты «Азаптау» бабы бойынша қылмыстық іс қозғалған.

«Полиция Қостанайдағы дамуында ауытқуы бар балаларға арналған әлеуметтік қызметтер орталығында болған оқиғаға байланысты ҚР ҚК 110-бабы, 2-бөлігі, 1-пункті бойынша қылмыстық іс қозғады. Сотқа дейінгі тергеу аясында оқиғаның мән-жайын, оның себептері мен құқықбұзушылық жасауға не итермелегенін анықтау үшін барлық қажетті тергеу әрекеттері жүргізіліп жатыр», — делінген Қостанай облысы ПД хабарламасында.

Егер тәрбиеші әйелдің кінәсі дәләлденсе, ол 4 жылдан 7 жылға дейін сотталуы мүмкін.