Димаш Қазақстан мен Вьетнам президенттерінің алдында өнер көрсетті (ВИДЕО)

Вьетнамның Қазақстандағы мәдениеті күндері аясында концерт өтті.

Фото: Ақорда

Қасым-Жомарт Тоқаев пен То Лам Қазақстандағы Вьетнам мәдениеті күндері аясында ұйымдастырылған концертті тамашалады, деп хабарлайды Skifnews.kz ақпарат порталы.

«Астана Опера» театрының сахнасында мәртебелі қонақтар мен елорда жұртшылығына Ханой филармония оркестрі, «Астана Балет» театрының симфониялық оркестрі, «Астана Опера» Мемлекеттік опера және балет театрының хоры, сондай-ақ қазақ және вьетнам халықтарының белгілі мәдениет қайраткерлері, оның ішінде белгілі әнші Димаш Құдайберген өнер көрсетті.