«Азаптағандары камераға түскен, итеріп құлатқан жазбасы ап-анық»: Ақбота-Нұр Ақнәрдің ісінде шындықты талап етті

Танымал әнші әрі актриса Ақбота-Нұр Алматыда қаза тапқан Ақнәр Қамиттің өліміне қатысты әділдік талап етті, деп хабарлайды Skifnews.kz ақпарат порталы.

Өнер иесі 10 айға созылған істің соңы аяқсыз қала ма деген қорқынышы барын жасырмады. 

“Ақнәрдің ғұмырының қасақана қорланып қиылғанын, Ақнәрді азаптау іс-әрекеттері камераға түскен ап-анық итеріп құлатқан жазбасы, қаншама көзге ұрып тұрған дәлелдердің жеткілікті болып тұрғанын көре тұра, істің неге 10 айға созылып, қылмыстылардың бостандықта жүргенін санамыз қорытпайды. Қандай қоғам мынау? Әділет қайда? Мәпелеп баққан, мәдениетті бір туар балалар осылай бассыз кеткен қатігездердің қолынан өле берсе болашақтан не хайыр?! Құрметті сот орындаушылар, заң тарапы сіздерден әділдік талап етеміз! Бұл 22 жастағы Ақнәрдің ғана емес, бүкіл елдің тағдыры! Ақнәр үшін әділдік!", – деп жазды ол.