Астанада вандалдар LRT вагондарын адам шошырлық күйге жеткізген (ФОТО)

Назарбаев әуежайы станциясында тұрған су жаңа LRT вагондарының сыртын белгісіз біреулерлер шимайлап кеткен. Бұл туралы әлеуметтік желіде тарады, деп хабарлайды Skifnews.kz ақпарат порталы. 

Жолаушылар тасымалымен айналысатын City Transportation System компаниясы вандализм фактісін растады.

«Вагондардың сыртына рұқсатсыз граффити салынғаны тіркелді. Бұл туралы ақпарат құқық қорғау органдарына берілді. Аталған факті бойынша қылмыстық іс қозғалды», – деп хабарлады компания өкілдері.

Компания мәліметінше, вагондардың сырты арнайы қорғаныс қабатымен жабылған, бұл қабат бояудың негізгі бояу-жабын қабатына сіңуіне жол бермейді.

Қазір граффитиді вагондардың бетінен өшіру жұмысы жүріп жатыр.