Ақмола облысында 13 жастағы жасөспірім жұмбақ жағдайда көз жұмды

Облыстық полиция департаменті бұл факт бойынша тергеу басталғанын хабарлады.

фото: Polisia.kz

Ақмола облысының Зеренді ауданына қарасты Қызылсая ауылында 13 жастағы жасөспірім күмәнді жағдайда қайтыс болды. Қазіргі уақытта полиция өлімнің себебін анықтау үшін тергеу жүргізуде, деп хабарлайды Skifnews.kz ақпарат порталы.

Қайғылы жағдай 2 шілде күні болған. Жасөспірімнің денесін туыстары жазғы ас үйден тауып алған.

"Оқиғаның мән-жайын анықтау үшін сот-медициналық сараптамалар тағайындалды. Өлімнің нақты себебін анықтау мақсатында кешенді тергеу амалдары жүргізіліп жатыр", – деп мәлімдеді полиция өкілдері.