«Өлтіру ниетім болмады, қорқытқым келді»: Руслан Берденовке оқ атқан азамат сотта жауап берді

Шымкентте қала әкімінің орынбасары Руслан Берденовке қастандық жасау ісі бойынша сот процесі басталды, деп хабарлайды Skifnews.kz ақпара порталы Tengrinews.kz сайтына сілтеме жасап.

Айыпталушы Ернар Жиенбай кінәні ішінара мойындады. Сот отырысы басталмас бұрын, ол өзіне тағылған айыптар туралы пікір білдірді.

"Маған қылмыс жасауға оқталды деп айып тағылып отыр, бірақ қылмыстық бап әлі нақты анықталған жоқ. Өлтіру ниетім болған жоқ. Қазір 8 жылдан 12 жылға дейін жаза қарастырылған баппен айып тағылып отыр", — деді Жиенбай сот отырысы басталар алдында.