«Терезе жақтауына шығып кеткен»: Қосшыда бала ажал аузынан аман қалды (ВИДЕО)

Ақмола облысы, Қосшы қаласында кішкентай бала көпқабатты үйдің үшінші қабатындағы ашық терезенің ернеуіне шығып отырған, деп хабарлайды Skifnews.kz ақпарат порталы.

Куәгерлер бұл қауіпті жағдайды байқап, бірден төтенше қызметтерге хабар берген. Оқиға орнына жедел жеткен құтқарушылар мен полиция қызметкерлері баланы аман-есен пәтерге кіргізіп үлгерген.

Полиция департаментінің хабарлауынша, баланың денсаулығына қауіп жоқ. Құқық қорғау органдары ата-анасымен профилактикалық әңгіме жүргізіп, әсіресе жаз мезгілінде балалардың қауіпсіздігін қамтамасыз ету мен терезелерге мұқият болу керектігін ескерткен.