Алматыдағы масқара жағдай! Ер адам көпшілік жерде мастурбация жасап, видеоға түсірген (ВИДЕО)

Алматыда елдің жағасын ұстатқан оқиға болды. «Globus» сауда орталығының жанында лавочкада отырған қыздың алдына белгісіз ер адам жайғасып, еш қымсынбай әдепсіз әрекетке барды. Ол телефонын қызға қарата қойып, мастурбация жасай бастаған, деп хабарлайды Skifnews.kz ақпарат порталы.

Қыз күтпеген жағдайдан шошып, айқай салған. Сол сәтте «оператор» орнынан тұра сала, шалбарының сырмасын да жаппай қаша жөнелген.

Оқиғаға куә болғандар түсірген видео әлеуметтік желіде тез тарады. Кадрлар халықтың ашуын туғызды.

Алматы қалалық полиция департаменті бұл жағдайға қатысты ресми түсінік берді.

«Әлеуметтік желілерде тараған бейнежазбаға байланысты Бостандық аудандық полиция басқармасы тексеріс жүргізіп жатыр. Ер адамның жеке басы анықталуда. Ол ұсталған соң қолданыстағы заңнамаға сәйкес жауапқа тартылады», – деп хабарлады ведомство.

Қазір құқық қорғаушылар күдіктіні іздестіріп жатыр.