Бақытжан Базарбек 20 миллион теңге жалақы туралы сөзін түсіндірді

Мәжіліс кулуарында депутат Бақытжан Базарбек "20 миллионға татитын жұмыс істеп жүрмін" деген сөзін түсіндірді, деп хабарлайды Skifnews.kz ақпарат порталы.

"Мен заң талап еткеннен әлдеқайда көп күш салып, жұмыс істеймін. Жиырма есе көп. Мүмкін, отыз есе көп. Мен Жоғарғы аудиторлық палатаның, Жер ресурстары комитетінің, Су ресурстары және ирригация министрлігінің, Экология министрлігі мен экологиялық инспекцияның тексерістеріне бастамашы боламын. Мемлекеттік органдардың өзі істеуі керек жұмысқа, іс жүзінде оларды мәжбүрлеймін", - деді Базарбек.

Парламентарий мұндай әрекеттер оның функционалдық міндеттеріне кірмейтінін айтса да, Базарбек мемлекеттік органдар өз міндетін орындамағандықтан, айналысуға тура келетінін айтады.