Роликке қазақ тіліндегі дыбысжол жасанды интеллекттің дипфейк технологиясы арқылы жүктелген.
Әлеуметтік желіде әскери формадағы бір адамның оншақты сарбазды балағаттап, ұрып-соққан видеосы тараған еді. Қорғаныс министрлігі бұл видеоның қазақ әскеріне қатысы жоқ екенін мәлімдеді, деп хабарлайды Skifnews.kz ақпарат порталы.
«Аталған бейнематериал – «Қырғызфильм» киностудиясы түсірген «Баткен» көркем фильмінің үзіндісі және Қазақстан Республикасының Қарулы Күштеріне ешқандай қатысы жоқ. Роликке қазақ тіліндегі дыбысжол жасанды интеллекттің дипфейк технологиясы арқылы жүктелген», - деп мәлімдеді Қорғаныс министрлігі.
Министрлік БАҚ өкілдері мен ақпарат дереккөздерін фейк ақпарат таратпауға шақырып отыр.