Төрт орындық тар палатада әр жастағы балалар бірге жатқан, санитарлық талаптың сақталуы күмән туғызады.
Шығыс Қазақстан облысы Шемонаиха қаласының орталық ауруханасына екі айлық сәбиімен түскен ана суық, жылусыз палатада жатқанын айтады, деп жазады Sn.kz ақпарат порталы.
Қабырғасы үгітіліп, сылағы түсіп, терезесінен жел ұрып тұрған бөлмеде баланы емдеу түгілі, жылы ұстаудың өзі мүмкін болмаған. Тоңып қалған сәбиін қорғау үшін анасы шығару туралы өтініш жазғанымен, температурасы көтерілген соң қайта жатуға мәжбүр болыпты.
Төрт орындық тар палатада әр жастағы балалар бірге жатқан, санитарлық талаптың сақталуы күмән туғызады. Осындай апатты жағдайда жатқан халықтан МӘМС төлемін міндеттеп отыру – әділетсіздікке айналды. Бұл оқиға өңірдегі медицина сапасының қаншалықты құлдырағанын ашық көрсетіп, жауапты органдардан нақты әрекет талап етіп отыр.