Шымкентте жүргізуші куәлігін алуға емтихан тапсырған бойжеткен апатқа ұшырады (ВИДЕО)

Шымкентте жүргізуші куәлігін алу үшін практикалық емтихан тапсырып жүрген бойжеткен автодромда жол-көлік оқиғасына ұшырады, деп хабарлайды Sn.kz ақпарат порталы Otyrar-ға сілтеме жасап.

Әлеуметтік желілерде тараған бейнежазбаға сәйкес, жол апаты Асар-2 шағынауданында, №4 арнайы ХҚО аумағында болған. Кадрларда емтихан автодромының ішінде аударылып жатқан автокөлік көрінеді.

Белгілі болғандай, емтихан кезінде көлік тізгінінде отырған қыз жарақат алмаған.

Шымкент қаласы бойынша «Азаматтарға арналған үкімет» мемлекеттік корпорациясының филиалында оқиғаға қатысты ресми ақпарат кейінірек берілетінін мәлімдеді.