Қазақстанда алдағы күндері қатты ыстық ауа райы сақталады, деп хабарлайды Қазгидромет метео қызметі.
Синоптиктердің болжамы бойынша, нормадан 5…10º жоғары температурамен қалыптан тыс ыстық ауа-райы Қазақстанда жақын арадағы үш күнде сақталады.
«Республиканың барлық дерлік аумағында ауа-райы жауын-шашынсыз, күндізгі температура +30…+38º, оңтүстікте +34…+42º болады. Батыс облыстарда кей жерлерде өткінші жаңбыр жаууы мүмкін болғанмен, +30…+40º ыстық мұнда да сақталады», делінген хабараламада.