Мемлекет басшысы «Русская медная компания» негізін қалаушы Игорь Алтушкинді қабылдады

Бұл туралы Ақорданың баспасөз қызметі мәлім етті.

Фото: Ақорда

Мемлекет басшысы «Русская медная компания» негізін қалаушы Игорь Алтушкинді қабылдады, деп хабарлайды Sn.kz ақпарат порталы.

Кездесуде Қазақстанның тау-кен, металлургия салаларында бірлескен инвестициялық жобаларды жүзеге асыру мәселелері талқыланды.

Қасым-Жомарт Тоқаевқа компанияның еліміздегі өндірістік қызметі, өңдеу қуатын арттыру және холдингтің өнеркәсіп нысандары орналасқан аймақтардағы әлеуметтік міндеттерді шешу жоспары жөнінде мәлімет берілді.