Блогер Ерболат Жанабылов сотта жауап беруді бастады

Бүгін сотта айыпталушы блогер Ерболат Жанабылов өз ұстанымын айтып, жауап беріп жатыр, деп хабарлайды Sn.kz ақпарат порталы.

Жанабыловқа адвокаты Гаухар Айтжанова сұрақ қойып жатыр.

Еске сала кетейік, тергеу барысында блогерлерге қатысты бірнеше бап бойынша айып тағылып отыр.

Атап айтқанда, тергеу оларды Қазақстан Республикасы Қылмыстық кодексінің 214-бабы – заңсыз кәсіпкерлік, сондай-ақ 218-бабы – қылмыстық жолмен алынған ақшаны немесе мүлікті заңдастыру (ақшаны жылыстату) бойынша күдікті деп отыр.