Ақсу ферроқорытпа зауытында жұмысшы ауыр жарақат алып қаза тапты

Kazchrome компаниясының мәліметінше, Ақсу ферроқорытпа зауыты аумағында қайғылы оқиға болып, қызметкер көз жұмды, деп хабарлайды Sn.kz ақпарат порталы.

20 сәуір күні металды ұсақтау жұмыстары кезінде ұсатушы ауыр жарақат алып, оқиға орнында қаза тапқан.

Аталған жағдай бойынша құзырлы мемлекеттік органдарға хабар беріліп, тергеу амалдары басталды.

Компания марқұмның туған-туыстары мен жақындарына көңіл айтып, қажетті қолдау көрсетілетінін мәлімдеді.