Ұлыбританияда әскери тікұшақ құлады
Апаттың шығу себебі белгісіз.
Ұлыбританиядағы Девон графтығында Merlin Mk4 әскери тікұшағы түнгі оқу-жаттығу ұшуы кезінде апатқа ұшырады. Салдарынан бортта болған 3 адам көз жұмды, деп хабарлайды Sn.kz ақпарат порталы.
Жергілікті БАҚ-тың хабарлауынша, тікұшақ жергілікті уақыт бойынша таңғы шамамен төрттер шамасында далаға құлаған. Апат туралы хабар түскеннен кейін оқиға орнына жедел қызметтер жіберілді.
Корольдік флот үш экипаж мүшесінің қаза тапқанын растады. Олардың жеке тұлғалары туралы басқа мәлімет жарияланған жоқ. Апат Дартмур ұлттық паркінің аумағындағы Okehampton Battle Camp әскери полигонына жақын жерде болған. Бұл аймақ корольдік әскери-теңіз күштерінің теңіз авиациясы бөлімшелерін дайындау үшін жиі қолданылады.
Апаттың шығу себебі белгісіз. Мамандар оқиғаның мән-жайын анықтап жатыр.
Merlin Mk4 Ұлыбританияның қарулы күштері пайдаланатын негізгі тікұшақтардың бірі болып саналады.
Сіздің реакцияңыз?
