Ұшақ экипажы жолаушылардың қауіпсіздігін ойлап, бағытты шұғыл өзгерту туралы шешім қабылдады.
Threads әлеуметтік желісінде Алматыдан Шымкентке бағыт алған жолаушылар ұшағының қатты турбуленттік аймаққа тап болған сәтінен видео тарады.
Бейнежазбадан әуе кемесінің ішіндегі жолаушылардың үрейге бой алдырғаны анық байқалады. Автордың айтуынша, аспандағы қатты шайқалыс кезінде борттағы жағдай өте қиын болған.
Ұшақ экипажы жолаушылардың қауіпсіздігін ойлап, бағытты шұғыл өзгерту туралы шешім қабылдады.
Нәтижесінде әуе кемесі Тараз қаласының әуежайына аман-есен қонды. Қазіргі уақытта жолаушылардың жағдайы мен рейстің алдағы жоспары нақтылануда. Әуе компаниялары мұндай жағдайда қауіпсіздік ережелерін қатаң сақтауды басты орынға қоятынын ескертеді. Мамандардың сөзінше, пилоттардың дер кезінде шешім қабылдауы қайғылы жағдайдың алдын алды.