Атбасарда жарыс кезінде астаналық футболшы көз жұмды

58 жастағы астаналық футболшы жүрек ауруынан кенеттен қайтыс болды.

Фото: pexels.com

Атбасар қаласында өткен өңірлік турнир кезінде астаналық 58 жастағы футболшы кенеттен көз жұмды, деп хабарлайды Sn.kz ақпарат порталы.

Полиция өкілдерінің хабарлауынша, ер адамның өліміне жүрек аурулары себеп болған.

Аталған оқиға бойынша қазір тиісті тергеу жұмыстары жүргізіліп жатыр.

1968 жылы туған ер адамның өлімі фактісі Атбасар аудандық полиция бөлімінде тіркелді. Алдын ала анықталғандай, оның өліміне жүрек аурулары себеп болған. Қазіргі уақытта тексеру амалдары жүргізілуде, оның нәтижесі бойынша түпкілікті процестік шешім қабылданады, – деп хабарлады Ақмола облысы Полиция департаментінің баспасөз қызметі.