Жетісайда тойда әйелдерді «ұрғашы» деп атаған қарияның ісі сотқа жолданды

Түркістан облысының полиция департаменті Жетісайдағы тойда даулы сөз сөйлеген 66 жастағы ер адамға қатысты тергеуді аяқтап, қылмыстық істі сотқа жолдады, деп хабарлайды Sn.kz ақпарат порталы.

Ер адамға Қылмыстық кодекстің 174-бабының 1-бөлігі, яғни "Әлеуметтік, ұлттық, рулық, нәсілдік, тектік немесе діни алауыздықты қоздыру" бабы бойынша айып тағылған. Істің саралануы өзгертілмеген және оған қосымша баптар енгізілмеген.

Тергеу барысында дінтану, саясаттану және психологиялық-лингвистикалық сараптамалар жүргізілген.

Ер адам екі айға қамауға алынған. Полицияның мәліметінше, қамау мерзімі ұзартылмаған. Қылмыстық іс материалдары 26 тамызда сотқа жіберілген. Полиция департаменті тергеудің өзге де мәліметтерін жариялаудан бас тартты.