Алматыда 47 оқушы ішек инфекциясымен ауруханаға түсті

2026 жылғы 12–13 қазан аралығында РФМШ мектебінің 47 оқушысы жедел ішек инфекциясының белгілерімен Балалар жұқпалы аурулар ауруханасына жатқызылды. Қазір олардың барлығы дәрігерлердің бақылауында, деп хабарлайды Sn.kz ақпарат порталы.

Сонымен қатар интернатта тағы 8 оқушы оқшауланыптақ, медициналық бақылауға алынған.

Санитариялық-эпидемиологиялық бақылау департаментінің қаулысымен мектептің, интернаттың және ас блогының жұмысы уақытша тоқтатылды.

Қазіргі уақытта мамандар оқиғаның мән-жайын анықтау үшін тексеру жүргізіп жатыр. Зертханалық зерттеулерге қажетті сынамалар да алынған.

Жағдай тиісті қызметтердің бақылауында.