Осы аптада 6 облыста температура -5 градусқа дейін суытады

ҚР ІІМ Төтенше жағдайлар комитетінің мәліметінше, елдің солтүстігінде күн суытады.

«8-11 қыркүйекте түнде Қостанай облысында, 9-11 қыркүйекте Солтүстік Қазақстан, Ақмола, Павлодар облыстарында, 10-12 қыркүйек Қарағанды, Шығыс Қазақстан облыстарында күн суытады», делінген хабарламада.

Қазақстанның басым бөлігінде күн ашық болады, солтүстігінде, солтүстік-батысында, шығысында және орталығында атмосфералық ағындардың өтуімен ауа райының тұрақсыз сипаты сақталады, кей жерлерде күн күркіреп, жаңбыр жауып, жел күшейеді, деп хабарлады «Қазгидромет».

Солтүстікте, солтүстік-батыста және орталықта түнде және таңертең кей жерлерде тұман түседі. Ақмола, Солтүстік Қазақстан, Қостанай және Қарағанды облыстарында кей жерлерде күн күркіреп, 15-20 м/с-қа дейін жел күшейеді, түнде және таңертең кей жерлерде тұман түседі.

Шығыс Қазақстан облысында кей жерлерде күн күркіреп, желдің күші 15-20 м/с-қа дейін жетеді. Павлодар облысында кей жерлерде жел 15-20 м/с-қа дейін күшейеді.

Солтүстік-батыста кей жерлерде күн 0-3 градусқа дейін суытады.

Республиканың оңтүстігінде, батысының кей жерлерінде, солтүстік-батысында, шығысында, оңтүстік-шығысында және орталығында өте жоғары өрт қаупі сақталады.