Кеше Көкшетау қаласының «Абылай хан» алаңыңда Көкшетау техникалық институты 1-курс курсанттарының салтанатты ант қабылдау рәсімі өтті, деп хабарлайды Skifnews.kz.
ҚР ІІМ ТЖ комитеті КТИ баспасөз кызметінің мәліметінше, төтенше жағдайлар мамандарын дайындау үшін 150 талапкер қабылданды. Оның ішінде 38-і шетел мемлекеттік жоғары оқу орындарына жіберілді.
Айта кетейік, аталған оқу орнының курсанттары мен оқытушы құрамы жыл сайын Бурабай, Макинск, Ақкөл, Зеренді алаптарындағы ормандарда жүргізілетін өрт сөндіру жұмыстарына қатысады. Бұл жылы институттың жеке құрамы мен техникалары Атбасар қаласындағы көктемгі жауын-шашын салдарынан орын алған төтенше жағдайға қатысып, салдарын жоюға атсалысты.