2016 жылы Бразилияның Рио-де-Жанейро қаласында өтетін Олимпиада және Паралимпиада талисмандары таныстырылды. Талисмандар жергілікті флора мен фауна бейнелерінен қалыптасқан, деп хабарлайды Lenta.ru.
Бразилиялық фауна бейнесі мысыққа ұқсайтын сары аң түрінде ұсынылған. Флора кейпінде – көк және жасыл түсті өсімдіктер. Әрі бұл өсімдіктен гүл мен ағаш бейнелерін байқауға болады.
Енді Бразилия халқы талисмандардың есімдерін интернетте дауыс беру жолымен анықтайды.
Айта кетейік, Олимпиада ойындары 2016 жылы 5-21 тамыз аралығында өтеді.