Қазақстанда өткен түнде бірнеше әлеуметтік желі мен хат-хабар алмасу платформалары уақытша істемей қалды, деп хабарлайды «Азаттық радиосы».
Интернет қолданушылардың айтуынша, қарашаның 28-іне қараған түні сағат он екі мен үштің арасында Қазақстан аумағында Youtube сайты, Facebook, Instagram, WhatsApp және ВКонтакте әлеуметтік желілері белгісіз себептермен істемей қалған.
Ал желілердің ашылмай қалуының себебін – «Қазақтелеком» компаниясының жөндеу бюросы «сайттардың серверлерінен ақпарат келмей қалғандықтан» деп түсіндірді.