Ауа райының қолайсыздығына байланысты төрт облыста көлік қозғалысы тоқтатылды, деп хабарлайды Skifnews.kz ҚР ІІМ Төтенше жағдайлар комитетінің баспасөз қызметіне сілтеме жасап.
Ақмола облысында «Астана – Ерейментау – Шідерті» тас жолы (156-205 км) Ерейментау қаласынан Павлодар облысы аумағымен шектесетін жерге дейінгі учаскеде көліктің барлық түрлері үшін қозғалыс жабылды.
Сондай-ақ Павлодар облысында боранға байланысты «Павлодар-Астана» (205-259 км) автожолы Шідерті к. – Астана қаласы учаскесінде қозғалыс тоқтады
Алматы облысында ауа райының күрт өзгеруіне байланысты (боран, жолдың нашар көрінуі) «Үшарал – Достық» автожолы (83-184 км) Көктума ст. – Достық ст. учаскесінде көліктің барлық түрлері үшін қозғалыс тоқтатылды.
ОҚО-да ауа райының қолайсыздығына байланысты «Шолаққоған – Кентау» автожолында (227-257 км) автокөліктің барлық түрлері үшін қозғалыс тоқтатылды.