Орталық коммуникациялар қызметінің директоры Евгений Кочетов ұжымға ҚР АКМ ОКҚ директорының орынбасары - ресми өкілі болып тағайындалған Оксана Лоскутованы таныстырды деп жазады Қазақпарат. Оған дейін Оксана Лоскутова «Қазақстан футбол федерациясы» ЗТБ баспасөз хатшысы қызметін атқарды.
Оксана Лоскутова 1980 жылы 5 желтоқсанда Ақтөбе облысында дүниеге келген. 2002 жылы Қ.Жұбанов атындағы Ақтөбе мемлекеттік университетін «Қазақ тілі және әдебиеті пәнінің оқытушысы» мамандығы бойынша бітірді. Биыл «Тұран-Астана» Университетінде «Жергілікті және мемлекеттік басқару» мамандығы бойынша магистратураны бітіреді.
Ал, аталған қызметте жарты жыл да істеп үлгермеген Мұрат Жұманбай болса өзге қызметке ауысуына байланысты орны босатқан.