Қазақстанның солтүстігі мен шығысында құбылмалы ауа райы сақталады, кей жерлерде қар жауып, боран соғады, тұман түсіп, жел күшейеді, деп хабарлайды Skifnews.kz «Қазгидромет» РМК-ға сілтеме жасап.
Синоптиктердің хабарлауынша, республиканың қалған аумағында ауа райы ашық болады.
Ақмола облысының кей жерлерінде тұман түседі деп болжануда, 15-20 м/с жылдамдықпен жел, түнде боран соғады.
Қостанай облысының кей жерлерінде тұман түсіп, көктайғақ болады, боран соғады, күндіз және таңертең желдің күші 15-20 м/с-қа жетеді.
Жамбыл, Оңтүстік Қазақстан, Қызылорда, Батыс Қазақстан, Солтүстік Қазақстан, күндіз және таңертең Ақтөбе, Павлодар, Қарағанды облысының кей жерлерінде тұман түседі.
Алматы облысында Жалаңашкөл аумағында 15-20 м/с жылдамдықпен жел соғады, желдің екпіні 25 м/с-қа жетуі мүмкін, түнде кей жерлерде тұман түседі.