$ 444.32 € 473.33 ₽ 4.76
Оңтүстік Қазақстан облысының Ордабасы ауданында орын алған жол көлік оқиғасының салдарынан үш адам қайтыс болды деп хабарлайды ОҚО ІІД-нің баспасөз қызметі.
Оқиға бүгін таңертең орын алған. Шымкент-Самара тас жолының бойында «Опель вектра» мен «Лада» көліктері соқтығысып, соңғысының салонында болған 1966 жылғы әйел мен 10 жасар екі бала қайтыс болды. Полицейлердің мәліметінше, Опель көлігінің 1994 жылғы жүргізушісі жолдың қарсы бағытына шығып кеткен.
Ладаның жүргізушісі мен салонда болған тағы 5 жолаушы ауруханаға жеткізілді. Олар түрлі дене жарақаттарын алған. Араларында 2 және 11 жасар екі бала бар.
Ал, 23 жастағы Опель жүргізушісі ауыр халде Ордабасы аудандық ауруханасының жансақтау бөлімінде жатыр.
