Елімізде соңғы үш жылда қылмыс саны 4,2%-ға азайған

Сонымен қатар, соңғы үш жылда алғаш рет қылмыс саны 4,2%-ға азайған.

«Ауыр (-17,8%, 24 мыңға дейін) және аса ауыр (-18,5%, 1863-ке дейін) қылмыстар, кісі өлтіру (-19,8%, 837-ге дейін), денсаулыққа ауыр зиян келтіру (-12,5%, 1,4 мыңға дейін), қарақшылық (-32,8%, 870-ке дейін),тонау (-24,8%, 13,1 мыңға дейін), бұзақылық (-14,1%, 23,5 мыңға дейін), ұрлық (-2,1%, 187 мыңға дейін) және басқа да қылмыстар саны қысқарды. Қылмыстарды ашу көрсеткіштері жақсарды», – делінген ҚР ІІМ баспасөз қызметінің хабарламасында. 

Сондай-ақ, 3,2 мыңнан астам есірткі қылмысы, оның ішінде 1,9 мың сату фактісі анықталды. Заңсыз айналымнан полиция қызметкерлері 25,5 мыңнан астам есірткі, оның ішінде 232 кг героинды тәркілеген.