$ 447.4 € 477.55 ₽ 4.76
Батыс Қазақстан облысы Казталов ауданының прокуратурасы далалы аймақта киік ату фактілерін анықтады, деп хабарлайды BNews.kz.
Қадағалаушы органнан мәлімдегендей, Ащысай өзені мен Алтайсай саздақты жеріне шығу барысында шамамен 26-30 қазан күндері 12 калибрлі тегіс оқпанды мылтықтан атылған 15киіктің өлексесі табылды. Табылған аталық киіктердің мүйіздері болмаған, соған қарағанда оларды кесіп алғанға ұқсайды.
Осылайша «Охотзоопром» РМКК қызметкерлерінің өз міндеттерін дұрыс орындамауы салдарынан мемлекетке 7 млн теңгеден астам шығын келіп отыр.
Заңсыз аң аулау фактісі бойынша қылмыстық іс қозғалды, тергеу амалдары жүргізілуде.
«Аудан прокурорының заң бұзушылықты жою туралы ұсынысы бойынша «Охотзоопром» РМКК-ның 7 инспекторы қызметінен босатылды», – дейді облыстық прокуратура мамандары.
